საკლასო ვიქტორინა - ,,მინდა ყველაფერი ვიცოდე"

              2014 წლის  16 დეკემბერს, კარალეთის  N1  საჯარო  სკოლის  მე-4ა  კლასში  გაიმართა  საკლასო  ვიქტორინა -„ მინდა  ყველაფერი  ვიცოდე.“  კლასი  დაყოფილი  იყო  სამ  გუნდად:  „სწავლა“,  „ შრომა“,   „ცოდნა“.  თითოეულ  გუნდს  ჰყავდა  კაპიტანი.

                ვიქტორინას  მიზანი  იყო:  განვლილი  მასალის  გამეორება-განმტკიცება,  ლოგიკური  აზროვნების  განვითარება,  გუნდური  მუშაობისა  და  თანამშრომლობის  უნარის  გამომუშავება,  ცოდნისა  და  ინტერესის  გაღრმავება  მათემატიკაში,  ქართულ  ენაში,  ბუნებასა  და  ხელოვნებაში.  მოსწავლეთა  შორის  მეგობრული  ურთიერთობების  დამყარება  და  ცოდნის  გაზიარება,  თითოეული   მონაწილის  მიერ  საკუთარი  შესაძლებლობების  უკეთ  წარმოჩენა,  შეძენილი  ცოდნის  ხარისხის  შემოწმება,  განვლილი  მასალის  ერთიანობაში  აღქმა  და  მისი  პრაქტიკული  გამოყენების  დემონსტრირება-განვითარება.  სტანდარტით  განსაზღვრული  მისაღწევ  შედეგთან  დაუფლების  დონის  განსაზღვრა.  სწავლებაში  სახალისო  ფორმების  დამკვიდრება,  ქცევის  ფორმების  დახვეწა.

      ვიქტორინა  იყო  საკმაოდ  დაძაბული,  საინტერესო  და  სახალისო.    ჟიურის  წევრებმა  ობიექტურად  შეაფასეს  გუნდები.  სკოლის  დირექციამ  თითოეული  გუნდი  სიგელით  დააჯილდოვა.